डम्मर बुढा मगर, बागलुङ
तित्याङमा पहिरोले सडक बगाउँदा बागलुङ–भकुण्डे सिधा यातायात संचालन हुन सकेको छैन ।
वर्षाका कारण मंगलबार बागलुङ नगरपालिका वडा नम्बर ९ तित्याङ लामो झोलुङ्गे पुल नजिकै सडकबाटै ठूलो पहिरो झर्दा यातायात अवरुद्ध भएको हो ।
यातायात अवरुद्ध हुँदा बागलुङ भकुण्डे आउनेजाने यात्रुलाई समस्या भएको छ । नागरिकहरु पुलबाट आवतजावत गरेर गरेपनि बजारबाट सामान गाउँ लैजान र गाउँबाट बजार झार्न गाह्रो भएको इन्द्रबहादुर थापाले बताउनुभयो ।
करिब ३० मिटर सकड पहिरोले बगाउँदा तत्काल सुचारु गर्न सकिने अवस्था देखिदैन ।
बागलुङ नगरपालिका वडा नम्बर ९ का वडा अध्यक्ष गणेश थापाले सडक संचालन गर्न केही समय लाग्ने भन्दै लागि वडाले नसक्ने हुँदा केन्द्र र प्रदेश सरकारको ध्यानाकर्षण गराएको भताउनुभयो ।
अध्यक्ष थापाले यसको विकल्पमा वैकल्पिक सडक संचालन गरिने उहाँको भनाई छ । यसको लागि सिगाना र अर्को स्थानबाट विकल्प खोज्न थालिएको बताउनुभयो ।
‘यो हामीले गर्न सक्ने अवस्था छैन, यसको लागि हामीले केन्द्र र प्रदेशमा कुरा गरेका छौँ,’ अध्यक्ष थापाले भन्नुभयो ‘यसको विकल्पमा हामीले वैकल्पिक बाटो संचालनमा ल्याउने भनेका छौँ ।’
तित्याङमा पहिरो, बागलुङ–भकुण्डे सिधा यातायात बन्द
