फाइल तस्बिर
आदर्श अनलाइन,बागलुङ
कोरोना जोखिम बढ्दै गए पछि जिल्ला प्रशासन कार्यालयले बागलुङ जिल्ला भित्र सञ्चालन हुने सवारी साधनमा पनि जोर बिजोर प्रणाली लागु गरेको छ ।
शनिवार सूचना जारी गर्दै प्रशासनले गए राति १२ बजेदेखि लागु हुने गरी यस्तो सूचना जारी गरेको थियो ।
अर्को सूचना नभए सम्मका लागि अत्यावश्यक बाहेकका निजी तथा भाडाका सवारी साधन (दुई पांग्रे समेत) सबै सवारी साधन जोर बिजोर प्रणालीमा सञ्चालन गर्न आग्रह गरेको छ ।
जोर बिजोर प्रणालीमा जोर गते जोर नम्बर प्लेट भएका र बिजोर गते बिजोर नम्बर प्लेट भएका सवारी साधन सञ्चालन गर्ने निर्णय गरिएको प्रमुख जिल्ला अधिकारी सुरेश न्यौपानेले जानकारी दिनुभयो । वडा अध्यक्षमा कोरोना संक्रमण भेटिए पछि जिल्लाको बडिगाड गाउँपालिका भने शिल गरिएको छ । यहाँ सार्वजनिक सवारी, बजार सबै बन्द गरिएको छ । बडिगाड भएर जाने आउने लोकमार्गको रुटमा भने बीचमा यात्रु राख्न र झार्न नपाइने गरी सिधा सञ्चालन गर्न सकिने छ ।