फाइल तस्बिर
आदर्श अनलाइन, पोखरा
पोखरा स्वास्थ्य विज्ञान प्रतिष्ठान अन्तर्गत कोभिड १९ उपचार केन्द्रमा बिहिवार कोरोनाबाट एक महिलाको मृत्यु भएको छ ।
यो सँगै गण्डकी प्रदेशमा कोरोना संक्रमणबाट मृत्यु हुनेको संख्या ९ पुगेको छ ।
पोखरा स्वास्थ्य विज्ञान प्रतिष्ठानमा मृत्यु हुने चाही उनी पाँचौ हुन् भने पोखरामा कोरोनाका कारण मृत्यु भएको यो तेस्रो घटना हो ।
अस्पतालको आईसियुमा उपचाररत पोखरा महानगरपालिका ११ निवासी ३२ बर्षिया महिलाको मृत्यु भएको पोखरा स्वास्थ्य विज्ञान प्रतिष्ठान पश्चिमाञ्चल क्षेत्रीय अस्पतालका निर्देशक डा अर्जुन आचार्यले जानकारी दिए । भदौ ७ गते उचपारका लागि अस्पताल आएकी उनको बिहीबार बिहान ८ बजे मृत्यु भएको उनले बताए ।