आदर्श अनलाइन,काठेखोला
जिल्लाको काठेखोला गाउँपालिकाले आफ्ना एक कर्मचारीमा कोरोना संक्रमण पुष्टि भए सँगै अत्यावश्यक बाहेकका सबै सेवा बन्द गरेको छ ।
गाउँ कार्यपालिकाको भर्चुअल बैठकबाट एक साता सम्मका लागि गाउँपालिका मातहतका सबै सेवा बन्द गर्ने बिहिवार बिज्ञप्ती मार्फत जनाएको छ ।
बिहिवारदेखि लागु हुने गरी आगामी भाद्र १७ गते सम्मका लागि गाउँपालिकाको सेवा बन्द गरिएको र यस अवधिमा संक्रमितको सम्पर्कमा आएकाहरुलाई स्वाब परीक्षण गरेर सहयोग गर्न आग्रह गरिएको गाउँपालिका अध्यक्ष अमर थापाले बताउनुभयो ।
काठेखोलामा बिहिवार भारत चेन्नइबाट आएर भिमसेन प्रावि क्वारेन्टिन बिहुँमा बसेका काठेखोला १ का ३४ वर्षीय पुरुष र काठेखोला गाउँपालिकामै कार्यरत ३१ वर्षीय इञ्जिनियरमा कोरोना संक्रमण पुष्टि भएको थियो । उनी गत भाद्र २ गते काठमाण्डौबाट आएका थिए ।
