आदर्श अनलाइन, बागलुङ
नवलपुरका ६२ वर्षीया कोरोना संक्रमित महिलाको चितवन मेडिकल कलेजमा मृत्यु भएको छ । गैंडाकोट नगरपालिका १ ठेगाना भएकी उनको आइतबार मृत्यु भएको अस्पतालले जनाएको छ ।
ती वृद्धामा निमोनिया, मधुमेह र उच्च रक्तचाप थियो । योसहित गण्डकी प्रदेशमा कोरोनाबाट मृत्यु हुनेको संख्या २९ पुगेको छ । मृत्यु हुनेमा कास्कीका ९, नवलपुर र गोरखाका ५, तनहुँका ४, स्याङ्जाका ३, बागलुङ, म्याग्दी र लमजुङका १/१ जना छन् ।
गण्डकीमा संक्रमितको संख्या ३ हजार २० छ । तीमध्ये १८ सय ७८ जना निको भएका छन् ।
