आदर्श अनलाइन, पोखरा
गण्डकी मेडिकल कलेजमा उपचाररत बिरामी र त्यहाँ कार्यरत नर्समा कोरोना पुष्टि भएको छ ।
स्याङ्जाको पुतलीबजार नगरपालिकाकी ८० वर्षकी महिला र पोखरा ९ की २६ वर्षकी नर्समा कोरोना पुष्टि भएको प्रदेश स्वास्थ्य निर्देशनालयले जनाएको छ ।
त्यस्तै भारतबाट आएका पोखरा २५ की ८ वर्षीय बालिका र १८ वर्षे पुरुषमा पनि आज नै कोरोना पुष्टि भएको छ ।
पोखरामा आजमात्रै ५० जनामा कोरोना संक्रमण पुष्टि भएको छ ।
