साधना पन्त, बागलुङ ।
भदौ १७ गते ढोरपाटनमा आएको बाढीबाट प्रभावित बनेकाहरुको लागि आदर्श सञ्चार सहकारी संस्थाले राहात रहकम हस्तान्तरण गरेको छ । सहकारीले सञ्चालन गर्दै आएको आदर्श सञ्चार डट कमको प्रथम वार्षिकोत्सवको अवसरमा भदौ २१ गते बाढी प्रभावितको लागि आर्थिक सहयोग गर्ने घोषणा गरेको गरेको थियो ।
जिल्ला सहकारी संघले बाढी प्रभावितको लागि देशभरका सहकारीलाई सहयोग गर्न आव्हन गरेकाले आदर्शले संकलन गरेको १ लाख ७५ हजार रुपैयाँ जिल्ला सहकारी संघमार्फत हस्तान्तरण गरेको संस्थाका प्रबन्धक दिपक सापकोटाले बताउनुभयो ।
ढोरपाटनमा बाढीले जनधनको क्षती पु¥याएपछि सरकारले एकद्वार प्रणालिबाट राहत वितरण गर्ने भनेकाले जिल्ला सहकारी संघ मार्फत ढोरपाटन नगरपालिका र बाढी प्रभावित समक्ष पुग्ने गरी बागलुङमै रकम हस्तान्तरण गरेको अध्यक्ष हुमाकुमारी जिसी अञ्जुले बताउनुभयो । आदर्श सञ्चार डट कमको वार्षिकोत्सवको खर्च कटाएर र संस्थाका शेयर सदस्यहरुसंग संकलित रकम बाढी पहिरो पीडितका सहयोग गरिएको अध्यक्ष जिसीको भनाई छ ।
सहकारी मार्फत सूचना, सञ्चार र आर्थिक विकास भन्ने नाराका साथ २०६३ मंसिरमा स्थापना भएको संस्थाले स्थापनाको शुरुवातदेखि ९२०६३ फागुन २३० धौलागिरी जागरण दैनिक, २०६८ भदौदेखि अग्रसर साप्ताहिक, २०७० असोजदेखि धौलागिरी टेलिभिजनमा सहकार्य गर्दै आएको र २०७६ भदौ २१ गतेदेखि आदर्श सञ्चार अनलाइन www.aadarshasanchar.com सञ्चालन गर्दै आइरहेको छ ।
त्यसैगरी कृषि सहकारी संघ बागलुङले पनि बाढी प्रभावितको लागि ८० हजार रुपैया सहयोग गरेको छ । संघका अध्यक्ष तथा संविधानसभा सदस्य नरबहादुर थापाले संघको तर्फबाट जिल्ला सहकारी संघका अध्यक्ष दिपक गौतमलाई राहात रकम हस्तान्तरण गर्नुभएको थियो । जिल्ला र देशका विभिन्न स्थानका सहकारीबाट संकलित ५ लाख भन्दा बढी राहात रकम लिएर बुधबार बाढीग्रस्त ढोरपाटन जाने तयारी गरेको जिल्ला सहकारी संघका अध्यक्ष दिपक गौतमले बताउनुभयो ।