आदर्श अनलाइन, बागलुङ
बागलुङकी बाल कलाकार श्रद्धा क्षत्रीको अभिनयमा दशैं गीत ‘यसपाली दशैंमा’ सार्वजनिक भएको छ ।
सुदिक्षा सुनुवार र बलबहादुर परियारको प्रस्तुतीमा बिबि क्रियशनले गीत बजारमा ल्याएको हो ।
बलबहादुर परियारको लय, शब्दमा रहेको गीतमा बालगायिका सुदिक्षा सुनुवार, नानु सुनुवार र बलबहादुर परियारको स्वर छ ।
भुपेन बानियाँको निर्देशन रहेको गीतको म्युजिक भिडियोमा बाल कलाकार श्रद्धा क्षेत्री, सुनिल बानियाँ र प्रियंका बिकले अभिनय गरेका छन् । बाल कलाकार श्रद्धा सानैदेखि नृत्यबाट चर्चित छन् । उनले जिल्ला सदरमुकाममा हुने बिभिन्न उत्सव, महोत्सवमा आफ्नो नृत्य प्रस्तुत गर्दै आएकी छिन् । गीतको म्युजिक भिडियो गीत बीबी क्रियशन युट्युब च्यानलमा हेर्न सकिनेछ ।
