आदर्श अनलाइन, बागलुङ
बागलुङमा बिहीबार विहानै थप ५१ जनामा कोरोना संक्रमण पुष्टि भएको छ ।
क्षयरोग उपचार केन्द्र पोखरामा गरिएको पीसीआर परीक्षणमा थप ५१ जनामा कोरोना संक्रमण पुष्टि भएको गण्डकी प्रदेश स्वास्थ्य निर्देशनालयका निर्देशक विनोदविन्दु शर्माले जानकारी दिए । यो सँगै बागलुङमा संक्रमित संख्या ५ सय ८५ पुगेको छ ।
संक्रमण पुष्टि हुनेमा १४ जना नेपाल प्रहरी, २० जना नेपाली सेना छन् । यसका साथै काठेखोला गाउँपालिका वडा नम्बर ६ का २ जना, तमानखोला गाउँपालिकाका ६ जना, बागलुङ नगरपालिका ४ का एक जना पुरुष बाहेक अरु सबै कन्ट्याक्ट ट्रेसिङका हुन् ।
कोरोना संक्रमणका कारण चैत्र दोस्रो सातानै सुरुवाति भयावह बेहोरेको बागलुङमा केही साता अघि सम्म नियन्त्रण उन्मुख देखिए पनि अघिल्लो सातादेखि पुनः कोरोना संक्रमण दर बढेको छ । जसका कारण जिल्लामा संक्रमणको जोखिम थप बढेको छ । हाल सम्म संक्रमित भएका मध्ये ३ सय ८८ जना निको भएर घर फर्किएका छन् भने दुई जनाको मृत्यु भएको छ । बुधवार मात्र एक ७७ वर्षीय किराना व्यवसायी पुरुषको कोरोना संक्रमणका कारण पोखराको चरक अस्पतालमा उपचारका क्रममा ज्यान गएको थियो ।