आदर्श अनलाइन, पोखरा
पोखराको सेती खोचमा खसेका एक युवकलाई प्रहरीले उद्धार गरेको छ ।
पोखरा-१ गाईघाट स्थित सेती नदी किनाराबाट बुधबार बिहान ७.५० वजे अचानक खोचमा खसेका पोखरा-२ मिरुवा निवासी ३४ वर्षीय सम्राट राणालाई प्रहरीले उद्धार गरेको हो । राणा सामान्य घाइते अवस्थामा छन् ।
स्थानीयको सूचनाका आधारमा तुरुन्त घटनास्थलमा प्रहरीको रेस्क्यु टोली पुगी उद्धार गरेको जिल्ला प्रहरी कार्यालय कास्कीका प्रहरी नायव उपरीक्षक एवं प्रवक्ता सुवास हमालले बताउनुभयो ।