आदर्श अनलाइन,बागलुङ
जिल्लाको काठेखोला गाउँपालिाका ४ तंग्राममा पिकअप जीप दुर्घटना भएको छ ।
बागलुङ बजारबाट काठेखोला—३ धम्जा देउराली तर्फ जाँदै गरेको ध १ ज २५४ नम्बरको पीकअप जीप तंग्रामको धारा मावि नजिकै बिहिवार राती दुर्घटना हुँदा धम्जा देउरालीकी ४७ वर्षीय देवी श्रेष्ठ घाईते हुनुभएको छ । उनको हात र ढाडमा चोट लागेको छ । घाइते श्रेष्ठलाई धौलागिरी अस्पतालमा सामान्य उपचार पश्चात थप उपचारका लागि पोखराको गण्डकी अस्पतालमा लगिएको छ ।
चालक सहित जीपमा रहेका अन्य चार जना भने सकुशल रहेको जिल्ला प्रहरी कार्यालय बागलुङका सूचना अधिकारी डिएसपी राजेन्द्र रेग्मीले बताए । गाडी सडकबाट केही मिटर तल खसेको छ ।