आदर्श अनलाइन, बागलुङ
पोखरामा कोरोना भाइरस संक्रमणबाट थप १ जनाको मृत्यु भएको छ ।
गण्डकी प्रदेश स्वास्थ्य निर्देशनालयका अनुसार पोखरा स्वास्थ्य विज्ञान प्रतिष्ठानमा उपचाररत पोखरा २८ का ६० वर्षीय पुरुषको कोरोनाका कारण मृत्यु भएको हो ।
मंसिर ३ गते कोरोना संक्रमण पुष्टि भइ प्रतिष्ठानमा उपचाररत उनको बिहीबार दिउसो १२:५० बजे उपचार कै क्रममा मृत्यु भएको गण्डकी स्वास्थ्य निर्देशक डा. विनोद विन्दु शर्माले जानकारी दिनुभयो ।
यस संगै गण्डकी प्रदेशमा कोरोना संक्रमणबाट मृत्यु हुनेको संख्या १३१ पुगेको छ ।
