आदर्श अनलाइन,काठमाडौँ
तिव्र बाधा, अबरोध र आलोचना बीच गैरआवासीय नेपाली संघ (एनआरएनए) को नवौं बिश्व सम्मेलन सकिएको छ ।
सम्मेलनबाट अध्यक्षमा कुमार पन्त विजयी हुनुभएको छ । अध्यक्षका अर्का प्रत्यासी कुल आचार्यलाई १ सय ३५ मतले पछि पार्दै पन्त एनआरएनएको अध्यक्षमा विजयी हुनुभएको हो । पन्तले १०९४ र आचार्यले ९५९ मत प्राप्त गर्नुभएको छ ।
निर्वाचनमा नेकपा निकटबाट कुमार पन्त र काँग्रेस निकटबाट कुल आचार्यले प्यानल नै बनाएर चुनाव लडेका थिए ।
बिहीबार राति ११ बजेदेखि मतगणना सुरु भएको थियो । बुधबार विद्युतीय मेसिनबाट मतदान गर्ने प्रक्रिया नमिलेपछि बिहीबार मतपत्रबाट मतदान भएको थियो ।
आगामी दुई वर्षको नेतृत्व चयनका लागि भएको निर्वाचनमा दुई हजार ५७० मतदाता रहेकोमा २ हजार ३४० मत खसेको थियो ।
निर्वाचित पदाधिकारीको सूची
अध्यक्ष – कुमार पन्त
उपाध्यक्ष – बद्री केसी
उपाध्यक्ष – अर्जुन कुमार श्रेष्ठ
उपाध्यक्ष – सोनम लामा
उपाध्यक्ष – मन केसी
उपाध्यक्ष – रविना थापा
महासचिव – डा. हेमराज शर्मा
सचिव- गौरी जोशी
सचिव – आरके शर्मा
कोषाध्यक्ष- महेश श्रेष्ठ
सह कोषाध्यक्ष- लोक दाहाल