आदर्श अनलाईन, बागलुङ
आदर्श सञ्चार सहकारी संस्था लिमिटेड बागलुङले शेयर सदस्यका आफन्तको निधनप्रति दुख व्यक्त गर्दै श्रद्धाञ्जली सभा सम्पन्न गरेको छ ।
सहकारीका शेयर सदस्य तेजेन्द्र बहादुर घर्तीकी ममतामयी आमा बागलुङ नगरपालिका–९ तित्याङ निवासी चन्द्रकला घर्तीको दुखद् निधन भएको १२ औं दिनको पुण्य तिथि पारेर उहाँकै निवासमा श्रद्धाञ्जली कार्यक्रम गरेको हो ।
संस्थाले शेयर सदस्य तथा सदस्यका परिवारको निधनमा प्रदान गरिने मृत्यु राहत रकम पनि हस्तान्तरण गरेको छ । संस्थाका सह–सचिव सरस्वती खड्का परियार लगायतको उपस्थितिमा शेयर सदस्यका आफन्तको निधनमा प्रदान गरिने रकम ५ हजार रुपैया परिवारका सदस्यलाई हस्तान्तरण गर्नु भएको थियो ।
संस्थाले सञ्चालन गरेको सदस्य राहत खाताबाट शेयर सदस्यको निधनमा १५ हजार र शेयर सदस्यका परिवारका सदस्यको निधनमा ५ हजार रकम प्रदान गर्दै आएको छ ।
धौलागिरीको पहिलो सञ्चार सहकारीका रुपमा स्थापित आदर्श सञ्चार सहकारी संस्थामा हाल २ हजार ४ सय जना शेयर सदस्य, पाँच करोड शेयर रकम, ३३ करोड बचत, २९ करोड कर्जा लगानी र कुल सम्पती ४० करोड रहेको संस्थाका कोषाध्यक्ष पूर्ण बहादुर कार्कीले जानकारी दिनुभयो ।