आदर्श अनलाइन, बागलुङ
आदर्श सञ्चार सहकारी संस्था लिमिटेड बागलुङले संस्थाका शेयर सदस्यको निधनप्रति दुख व्यक्त गर्दै श्रद्धाञ्जली सभा सम्पन्न गरेको छ ।
सहकारीका शेयर सदस्य जैमिनी नगरपालिका–५ बिनामारे स्थायी घर भइ हाल बागलुङ नगरपालिका वडा नम्बर १ रामरेखा निवासी शारादा आचार्यका श्रीमान संस्थाका शेयर सदस्य दुर्गादत्त आचार्यको निधन भएको नवौँं दिनको पुण्य तिथि पारेर आइतबार श्रद्धाञ्जली सभा सहित मृतकका परिवारलाई राहात हस्तान्तरण गरेको हो ।
संस्थाका सल्लाहकार डिलबहादुर कार्की, अध्यक्ष हुमाकुमारी जिसी ‘अञ्जु’, लेखा समिति संयोजक थानेन्द्र प्रसाद गौतम, संचालक गीता खड्का र सम्पादक रामबहादुर जिसीले शेयर सदस्यको निधनमा प्रदान गरिने मृत्यु राहत स्वरुप रु १५ हजार रुपैयाँ र सदस्यका परिवारको निधनमा प्रदान गर्ने ५ हजार रुपैयाँ सहित स्वर्गीय आचार्यकी छोरी रोशनी आचार्यलाई २० हजार रुपैयाँ हस्तान्तरण गर्नुभएको थियो ।
त्यसैगरी संस्थाका शेयर सदस्य जैमिनी नगरपालिका–३ निवासी लक्षुमन भुजेल थापाका पीता जंगबहादुर भुजेलको निधन भएको १० औं दिनको पुण्यतिथीमा ५ हजार रुपैयाँ मृत्यु राहात रकम हस्तान्तरण गरिएको छ । संस्थाका शेयर सदस्य झमन पाण्डेले मृतकका परिवारका सदस्यलाई राहात हस्तान्तरण गर्नुभएको थियो ।
आदर्श सञ्चार सहकारी संस्थाले संस्थाको सदस्य राहत कोषबाट शेयर सदस्यको निधनमा १५ हजार र शेयर सदस्यका परिवारका सदस्यको निधनमा ५ हजार रकम राहत स्वरुप प्रदान गर्दै आएको छ ।
धौलागिरीको पहिलो सञ्चार सहकारीका रुपमा स्थापित आदर्श सञ्चार सहकारी संस्थामा हाल २ हजार ४ सय जना शेयर सदस्य, ५ करोड शेयर रकम, ३४ करोड बचत, ३१ करोड कर्जा लगानी र ४० करोड कुल सम्पत्ती रहेको संस्थाका प्रबन्धक दिपकराज सापकोटाले जानकारी दिनुभयो ।
