आदर्श अनलाइन, नवलपुर
नवलपुरमा बुधबार बिहान जीप दुर्घटना हुँदा चार जना घाइते भएका छन् ।
बौदीकाली गाँउपालिका-६ कोटथरको भित्री सडक खण्डमा उत्तरबाट दक्षिणतर्फ जाँदै गरेको लु १ ज ३३२९ नं.को जीप पल्टिदा जीपमा सवार चार जना घाइते भएका हुन् ।
घाइते हुनेमा बौदीकाली गाँउपालिका-४ निवासी ३१ वर्षीय मोहन सिंह थापा, २२ वर्षीय यमबहादुर गाहा, ३७ वर्षीय पीताम्बर गाहा र २५ वर्षीय कुलबहादुर गाहा छन् ।
घाइते चारै जनालाई उपचारका लागि पुरानो मेडिकल कलेज भरतपुरमा लगिएको गण्डकी प्रदेश प्रहरी कार्यालय पोखराका प्रहरी निरीक्षक गणेश पौडेलले जानकारी दिनुभयो । घटनाको बारेमा अनुसन्धान भइरहेको प्रहरीले जनाएको छ ।
