फाइल तस्बिर
आदर्श अनलाइन,बागलुङ
सरकारले कोरोना भाइरस (कोभिड १९)को संक्रमणबाट अति प्रभावित एक दर्जन बढी जिल्लाको सूचिमा बागलुङ जिल्लालाई पनि राखेको छ ।
स्वास्थ्य तथा जनसंख्या मन्त्रालयले काठमाडौं उपत्यकाका तीन सहित १४ जिल्लालाई कोरोना भाइरसको संक्रमणबाट अति प्रभावितमा क्षेत्रमा परेको जनाएको छ ।
गण्डकी प्रदेशको बागलुङ र कास्की सहित काठमाडौं, ललितपुर, रुपन्देही, चितवन, बाँके, पर्सा, भक्तपुर, कैलाली, मोरङ, दाङ, सुर्खेत र बारालाई अति प्रभावित जिल्लामा वर्गीकरण गरेको स्वास्थ्य तथा जनसंख्या मन्त्रालयका सहप्रवक्ता डा. समिर अधिकारीले जानाकरी दिनुभयो । कोरोना संक्रमण तीव्र गतिमा बढेका कारण १४ जिल्लालाई अति प्रभावित क्षेत्रमा राखिएको मन्त्रालयका सहप्रवक्ता अधिकारीले बताउनुभयो।
मन्त्रालयले यस क्षेत्रमा बालबालिकालाई विद्यालय नपठाउन समेत अपील गरेको छ ।
‘अति प्रभावित भनी वर्गीकरण गरेका जिल्लाहरुमा बढी भीडभाड हुने सबै क्षेत्र तथा सेवाहरु अविलम्ब बन्द गर्नुपर्ने भएपनि विद्यालय, रात्री व्यवसाय, ७ बजेपछि सबै रेष्टुरेन्ट तथा क्लबहरु, खेलकुद, जीम, सार्वजनिक पूजाआजा तथा जात्राहरु, सभा सम्मेलन, बैठक तथा भेलाहरु, सिनेमा हल, सपिङ मल, नाचघर, पार्टी प्यालेस, हेल्थ क्लब, स्विमिङ पुल आदि स्थानमा सहभागी नभई दिनु’ स्वास्थ्य आपतकालीन कार्यसञ्चालन केन्द्रले भनेको छ ।
सबै अस्पतालमा फिवर क्लिनिक सञ्चालन गर्नू
एचईओसीले सबै अस्पतालहरुलाई फिवर क्लिनिक अनिर्वाय सञ्चालन गर्न आग्रह गरेको छ । साथै सरकारी अस्पताललाई कम्तिमा ५० प्रतिशत वेड कोभिड-१९ का लागि छुट्याउने र निःशुल्क उपचार सेवा प्रवाह गर्न निर्देशन दिएको छ । यस्तो छ स्वास्थ्य मन्त्रालयको विज्ञप्ती-
