आदर्श अनलाइन, पोखरा
सेती नदीमा आज बिहान नुहाउने क्रममा पानीले बगाएकी एक महिलालाई प्रहरीले तनहुँमा उद्दार गरेको छ ।
बिहान पौने ८ बजेको समयमा तनहुँको व्यास नगरपालिका वडा नं १३ मा सेती नदीको किनारमा नुहाउने क्रममा सोही ठाँउकी ६० वर्षीय मधुमाया श्रेष्ठलाई पानीले बगाएको हो ।
गण्डकी प्रहरी प्रदेश कार्यालय पोखराले दिएको जानकारी अनुसार घटनाबारे जानकारी पाउनासाथ प्रहरी टोलीले तत्काल उद्दार गरेको छ ।
श्रेष्ठलाई जिल्ला अस्पताल दमौली पठाइएको र उहाँको अवस्था मध्यम रहेको कार्यालयका प्रहरी वरिष्ठ उपरीक्षक मोहन प्रसाद पोखरेलले जानकारी दिनुभएको छ ।
