आदर्श अनलाइन, बागलुङ
कोरोना संक्रमणबाट बागलुङमा थप एक जनाको मृत्यु भएको छ ।
बागलुङ नगरपालिका वडा नम्बर ३ का ५५ वर्षीय पुरुषको मृत्यु भएको स्वास्थ्य कार्यालय बागलुङका कोभिड–१९ फोकल पर्सन देवप्रकाश घिमिरेले जानकारी दिनुभयो ।
उनलाई स्वास्थ्यमा समस्या आएपछि बैशाख २७ गते अस्पताल भर्ना गरिएको थियो । अस्पतालमा उपचाररत उनको शनिबार विहान ३ः४५ मा मृत्यु भएको घिमिरेको भनाई छ । उनी कोभिड–१९ सँगै निमोनियाबाट समेत ग्रसित रहेको घिमिरेको भनाई छ ।