साधना पन्त, बागलुङ
सामुदायिक वन उपभोक्ता महासंघ बागलुङले बजेट निमार्णमा जुटेका बागलुङका स्थानीय तहलाई वन तथा वातावरणमैत्री बजेट ल्याउन माग गरेको छ ।
सामुदायिक वन उपभोक्ता महासंघ बागलुङका अध्यक्ष राज थापमको नेतृत्वमा बिहिबार बागलुङका १० वटै पालिकामा वन ऐनका २७ बँुदे सुझाब पेश गरेको छ ।
सामुदायिक वन उपभोक्ता महासंघ बागलुङका अध्यक्ष राज थापाले वन तथा वातावरण क्षेत्रलाई स्थानीय सरकारले उपेक्षा गर्दै आएकाले अहिले समयमै वन तथा वातावरणमैत्री बजेट ल्याउन र वन तथा वातावरण सम्बन्धी ऐन निर्माण गर्न ध्यानाकर्षण गरिएको बताउनुभयो । सामुदायिक वनको संरक्षणमा स्थानीय सरकार सकरात्मक नभएको हुनाले वन ऐन सहित २७ बुदे सुझाब पेश गरेको उहाँको भनाई छ ।
बागलुङ नगरपालिकाका नगर प्रमुख जनकराज पौडेलले वन ऐनका २७ बँुदे सुझाब पत्र बुझ्दै आगामी योजनामा वन तथा वातावरणमैत्री योजना ल्याउने प्रतिवद्धता व्यक्त गर्नुभयो । सामुदायिक वनको संरक्षण गर्नुपर्ने भन्दै बागलुङ नगरपालिका वन तथा वातारणको विषयमा सकारात्मक भएको बताउनुभयो ।
बागलुङ नगरपालिका र काठेखोला गाउँपालिकामा वन ऐनको २७ बँुदे सुझाब पालिकामै गई हस्तान्तरण गरेको र अन्य पालिकामा कोरोना महामारीका कारण मेल मार्फत पठाइएको टिएफ परियोजना काठेखोला गाउँपालिका संयोजक नवीन गौतमले जानकारी दिनुभयो ।
कार्यक्रममा सामुदायिक वन उपभोक्ता महासंघ बागलुङका अध्यक्ष राज थापा, स्थानीय महासंघ बागलुङका सचिव धनमाया शर्मा, टिएफ परियोजना काठेखोला गाउँपालिकाका संयोजक नवीन लगायतको उपस्थिति थियो ।
सामुदायिक वन उपभोक्ता महासंघ बागलुङद्वारा स्थानीय तहलाई वनमैत्री बजेट ल्याउन माग
