आदर्श अनलाइन,बागलुङ
जिल्ला सदरमुकाममा निषेधाज्ञाको उल्लंघन गर्दै हिँड्डुल गर्नेलाई काराबाही गर्न थालिएको छ ।
बागलुङ बजारमा शुक्रबार बिना काम हिँड्डुल गरेका २५ जनालाई नियन्त्रणमा लिएर साँझ सम्झाई बुझाई गरेर छाडिएको प्रहरीले जनाएको छ ।
बागलुङ बजार, बागलुङ पर्वत जोड्ने लामो पुलमा घुम्न गएकाहरुलाई साँझ बागलुङ बजारको लोकतान्त्रिक चोक, उपल्लाचौर र बांगेचौरमा केही समय उभ्याएर राखिएको थियो । पछि आगामी दिनमा गल्ती नदोहोर्याउन सचेत गराउँदै सम्झाई बुझाई गरि छाडिएको प्रहरी नायव उपरीक्षक इकवल हवारीले जानकारी दिनुभयो ।
अब पनि निषेधाज्ञा उल्लंघन गर्दैै बेवास्ता गरेर हिँडेको पाइएमा नियमानुसार जरिवाना समेत गरिने प्रशासन कार्यालयले चेतावनी समेत दिएको छ ।
