आदर्श अनलाइन, पर्वत
दक्षिण एसियाली फुटबल प्रतियोगिता (साफ) च्याम्पियनसिपमा उपविजेता बनेको नेपाली राष्ट्रिय फुटबल टोलीलाई पर्वतको कुस्मा नगरपालिकाले २ लाख रुपैयाँ पुरस्कार दिने घोषणा गरेको छ ।
शुक्रबार राती सम्पन्न फाइनलमा भारतसँग ३–० गोलअन्तरले पराजित भएपछि नेपाली टोली इतिहास रच्दै उपाधि चुम्ने ऐतिहासिक अवसरबाट चुकेको थियो । तर नेपाल पहिलोपल्ट साफ च्यामिपयनसिपको फाइनलमा पुगेको हो ।
कुस्मा नगरपालिका प्रमुख रामचन्द्र जोशीले पहिलो पल्ट फाइनलमा पुगेको नेपाली टोलीलाई थप हौसला र प्रोत्साहनका लागि पुरस्कारको घोषणा गरेको जानकारी दिनुभयो ।
नेपाली टोली आज शनिवार स्वदेश फर्किएको छ ।
