आदर्श अनलाइन, पोखरा
कास्की प्रहरीले १५ लाख नगदसहित ११ जुवाडे पक्राउ गरेको छ । जिल्लाको माछापुच्छ्रे गाउँपालिका – २ स्थित ताताेपानी इन हाेटलमा जुवातास खेलिरहेकाे अवस्थामा नगद १५ लाख २४ हजार ७० रुपैयाँ नगदसहित ११ जना पक्राउ परेको कास्की प्रहरी प्रवक्ता, डिएसपी सुवास हमालले जानकारी दिनुभयो ।
साे होटलमा जुवा खेलिरहेकाे भन्ने सूचनाको आधारमा कास्कीबाट खटिएको प्रहरी टोलीले नगद र ५२ पत्ती ताससहित कास्कीको पोखराका १० जना र स्याङ्गजाका एक जनालाई नियन्त्रणमा लिएकाे डिएसपी हमालले जनाउनुभयो ।
नियन्त्रणमा लिएकाहरुलाई सार्वजनिक हित, स्वास्थ्य, सुरक्षा, सुविधा र नैतिकता विरुद्धको कसुर अन्तर्गत जुवा र सट्टा बाजी मुद्दामा सात दिन म्याद थप गरी अनुसन्धान भइरहेको प्रहरीले जनाएको छ ।