आदर्श अनलाइन, बागलुङ
बागलुङमा भएको प्रथम रोटरी युथ लिडरसिप अवार्डको बिजेता पोखराका सम्पूर्ण पौडेल हुनु भएको छ । कात्तिक २४ देखि २७ गतेसम्म भएको लिडरसिप अवार्डमा ६२ जना राइलेन मध्य पौडेल उत्कृष्ट हुनु भएको हो ।
समापन कार्यक्रममा बोल्दै रोटरी डिस्ट्रिकका प्रमुख ईमेज चियर रबि प्रसाद बरालले युवाहरुलाई सक्षम बनाउनका लागि यो कार्यक्रमले महत्वपूर्ण भूमिका खेलेको बताउनु भयो । ४ दिने कार्यक्रमले गण्डकी प्रदेशका युवाहरुमा आत्मियता सद्भाव बढाउनुका साथै क्षमता अभिवृद्धि गरेको बरालले बताउनु भयो ।
रोटरी युथ लिडरसिप अवार्ड बिजेता पौडेलले यो तालिमले आफ्नो जीवनमा नयाँ मोड लिएको बताउनु भयो । पौडेलले यस अगाडी पनि यस्ता खालका कार्यक्रममा सहभागी भए पनि रोटरी युथ लिर्डरसिप अवार्डले आफ्नो क्षमता अभिवृद्धिमा टेवा पु¥याएको बताउनु भयो ।
कार्यक्रममा रोटरी क्लव अफ पर्वतका संस्थापक अध्यक्ष विश्व प्रसाद परसाई, एजी भरत कुमार श्रेष्ठ, रोटरी क्लव अफ बागलुङका पूर्व अध्यक्ष नेत्रलाल न्यौपानेले कार्यक्रममा मन्तव्य राख्नु भएको थियो ।
कार्यक्रम राइला रिजन ४ का प्रमुख जयाराम पौडेलको अध्यक्षता, रोटरी क्लव अफ बागलुङका उपाध्यक्ष दिपेन्द्र बहादुर घिमिरेले धन्यबाद मन्तव्य र कार्यक्रम सम्योजक भवनराज बरालको संचालनमा सम्पन्न भएको थियो
