आदर्श अनलाइन, बागलुङ
नेपालको सहकारी अभियानको शिर्षस्थ निकाय राष्ट्रिय सहकारी महासंघका अध्यक्ष मिनराज कँडेल अन्तर्राष्ट्रिय सहकारी महासंघ एसिया प्रसान्त क्षेत्र (आइसीए एपी) को क्षेत्रीय बोर्ड सदस्यमा निर्वाचित हुनुभएको छ ।
आइसीए एपीको मंसिर १४ गते सम्पन्न निर्वाचनबाट कँडेल क्षेत्रीय बोर्ड सदस्य निर्वाचित हुनुभएको हो । उहाँले पाँचौं सर्वाधिक मत प्राप्त गर्नुभयो ।
त्यसैगरी भारतका चन्द्रपाल सिंह यादव आइसीए एपीको अध्यक्षमा निर्वाचित हुनुभएको छ । चिनका जेनहोङ र मलेसियाका डाटो डा. अब्दुल फताह अबदुल्लाह उपाध्यक्षमा निर्वाचित हुनुभयो ।
यस अघि आइसीए एपीमा केशव बडाल संचालक समितिमा रहनु भएको थियो । मिनराज कँडेल एसियाली ऋण महासंघको प्रथम र द्वितिय उपाध्यक्ष भइसक्नु भएको छ ।