आदर्श अनलाइन, बागलुङ
आदर्श सञ्चार सहकारी संस्थाद्वारा सञ्चालित धौैलागिरी जागरण दैनिक अग्रसर साप्ताहिक र आदर्श सञ्चार डटकममा कार्यरत पत्रकार खेमराज गौतम (सुवास) सम्मानित हुनुभएको छ ।
सिम्रिक कृषि तथा पशु व्यावसायिक सहकारी संस्था बागलुङले आफ्नो ७ औं वार्षिक साधारण सभाका अवसरमा संस्थामा स्थापित कृषि पत्रकारिता पुरस्कारबाट नगद सहित सम्मान गरेको हो । गौतम नेपाल पत्रकार महासंघ बागलुङ शाखाको कोषाध्यक्ष समेत हुनुहुन्छ ।
सिम्रिक कृषि तथा पशु व्यावसायिक सहकारी संस्था बागलुङको उन्नती, प्रगति र विकासका हरेक क्रियाकलापमा समाचारका माध्यमबाट अतुलनीय योगदान पु¥याएको भन्दै गौतमलाई सम्मान गरेको हो ।
कृषि क्षेत्रमा समेत कलम चलाउने जिल्लामा क्रियाशिल एक पत्रकारलाई संस्थाको स्थापना कालदेखि हरेक वर्ष सम्मान गर्ने कार्यक्रम अन्र्तगत साधारण सभाको अवसरमा गौतमलाई दोसल्ला, सम्मान पत्र र नगदले सम्मान गरेको सिम्रिक कृषि तथा पशु व्यावसायिक सहकारी संस्था बागलुङका अध्यक्ष चुडामणी उपाध्यायले जानकारी दिनुभयो । गौतम राष्ट्रिय समाचार समितिमा समेतमा काम गर्दै आउनुभएको छ ।
