आदर्श अनलाइन, बागलुङ
नेकपा एमालेको नेतृत्वमा युवा नेताहरुको हावी भएको छ । १०५ सदस्यीय नेकपा एमाले जिल्ला कमिटिमा सबैभन्दा कान्छी सदस्यको रुपमा गलकोटका आकृति भण्डारी निर्वाचित हुनुभएको छ ।
नेकपा एमालेको पदाधीकारी सहित सदस्यहरुमा अधिकाँस नेता कार्यकर्ताहरु युवा देखिएका छन् ।
जसमध्ये सबैभन्दा कान्छी सदस्यको रुपमा भण्डारीलाई लिइएको छ । बागलुङको गलकोट नगरपालिका–२ की २५ बर्षिया आकृति भण्डारीले भने छोटो समयमा जिल्लाको मूलधारको राजनीतिक यात्रा तय गर्नुभएको छ ।
देशका विभिन्न राजनीतिक दलको अधिवेशनहरुमा युवाहरुको लर्कोनै छ । केही ठुला राजनीतिक दल नेकपा एमाले, नेपाली काँग्रेस र माओबादी लगायतका राजनीतिक दलको अभिवेशनमा समेत युवाको आर्कषण बढेको छ ।
नेकपा एमालेको सोमबार सम्पन्न अधिवेशनमा खुल्ला महिला तर्फ आकृति भण्डारी निर्विरोध हुनुभएको छ । भण्डारी जिल्ला कमिटिकै कान्छी सदस्य भएको नेकपा एमालेका नवनिर्वाचित सचिव विष्णु भूषालले प्रष्ट पार्नुभयो । उहाँले नेकपा एमालेप्रति युवाहरुको आर्कषण भएकै कारण भण्डारी सर्वसम्मत जिल्ला कमिटिमा आउनुभएको छ ।
आकृति जस्ता युवाहरुको आगमनले अब राजनीतिमा नेता बन्नका लागि कपाल फुल्नै पर्ने पर्छ भन्ने भ्रमलाई चिर्न सफल भएको छ । २० वर्षको उमेरमा एमालेको जनवर्गिय संगठनको रुपमा रहेको युवा संघको सदस्यता लिएर आफ्नो राजनीतिक यात्रा सुरु गर्नुभएको भण्डारी पाँच वर्षमै जिल्ला तहको नेतृत्वमा आफुलाई स्थापित गर्न सफल हुनुभएको छ ।
पाँच वर्ष पहिले नेकपा एमालेको जनवर्गीय संगठन युवा संघबाट औपचारिक रूपमा राजनीतिमा प्रवेश गरेकी भण्डारी खेलकुद महासंघको केन्द्रीय सदस्य, प्रदेश खेलकुद परिषदको कार्यसमितिकै कान्छी सदस्य र पार्टीको जनवर्गिय संगठनमा रहेर हरेक क्रियाकलापमा स्वयमसेवी रुपमा काम गर्दै आउनुभएको छ ।
भण्डारी सामाजीक संस्था बागलुङ जेसीसको कार्यकारणी उपाध्यक्ष समेत भइसक्नुभएको छ । देशमा परिवर्तन युवाबाटै सम्भव रहेको भन्दै मुलधारको राजनीतिमा प्रवेश गरेको र आफूलाई सर्वसम्मत खुल्ला महिला सदस्यमा निर्वाचित गरिएको आकृति भण्डारीले बताउनुभयो ।
“राजनीतिमा युवाको आवश्यकता छ, पार्टीलाई लामो समयदेखि स्वयंसेवीका रुपमा काम गर्दै आएकी थिए” भण्डारीले भन्नुभयो “अहिले जिल्ला कमिटिमा आएको छु, राजनीतिमा युवा तथा महिलाले हस्तक्षपकारी भूमिकामा अगाढी वढ्न आवश्यकता छ ।” एमाले बागलुङको अध्यक्षमा समेत युवा नेता हिरा बहादुर के.सी निर्वाचित हुनुभएको छ । पदाधीकारी र सदस्यहरुमा समेत अधिकाँश युवा नेताहरु निर्वाचित भएका छन् ।
