आदर्श अनलाइन, बागलुङ
लायन्स क्लब अफ बागलुङ पिस टाउनले काठेखोला गाउँपालिका वडा नम्वर ७ रेशमा पुस्तकालय स्थापना गरेको छ । पिस टाउनले ओदान डाँडा सामुदायिक सिकाई केन्द्रमा पुस्ताकालय स्थापना गरेको हो । क्लबले सोमबार अध्यक्ष लक्ष्मी पन्तको अध्यक्षतामा ६५ हजार बराबरको पुस्तक सहित पुस्ताकालय स्थापना गरेको हो ।
पुस्तकालय स्थापना कार्यक्रमको उद्घाटन गर्दै काठेखोला गाउँपालिका वडा नम्वर–७ का वडा अध्यक्ष प्रेम लामिछानेले ओडान डाँडालाई सम्झेर लायन्स क्लबले पुस्तकालय स्थापना गरेकोमा धन्यबाद दिनुभएको थियो । उहाँले आगामी दिनमा पुस्तकालयलाई व्यवस्थापन गर्ने वडाले महत्वपुर्ण भुमिका निवार्ह गर्ने बताउनु भयो । ओदान डाँडामा पुस्ताकालय स्थापना हुँदा यस क्षेत्रका विद्यार्थीलाई थप सिकाइका लागी सहयोग पुग्ने लामिछानेले बताउनु भयो ।
कार्यक्रममा पूर्व गाविस अध्यक्ष कबिराज थापा, लायन्स क्लब अफ बागलुङ पिस टाउनका संस्थापक अध्यक्ष सनिसा घर्ती, लायन्स क्लव आफ पञ्चकोटका अध्यक्ष श्रीकृष्ण पौडेल, डिष्ट्रिक रिजन चियर पर्सन गोपाल पौडेलले शुभकामना मन्तब्य राख्नु भएको थियो ।
कार्यक्रममा लायन्स क्लब अफ बागलुङ पिस टाउनका अध्यक्ष लक्ष्मी पन्तको अध्यक्षता उपाध्यक्ष तुलसी रेग्मीको स्वागत, ओदान डाँडा सामुदायीक केन्द्रका अध्यक्ष प्रजापति गौतमको धन्यबाद, .सिकाई केन्द्रका सदस्य दिलबहादुर कार्कीको संचालनमा सम्पन्न भएको थियो ।
