आदर्श अनलाइन, दोहा
नेपाली जनप्रगतिशील मञ्च राष्ट्रिय समिति कतारले एमसिसी सम्झौतामा भएका केही शर्तहरु खारेजीको माग गर्दै नेपाली राजदुतावास कतारमा ज्ञापनपत्र बुझाएको छ ।
मञ्चले बुधबार ज्ञापनपत्र बुझाउदै एमसीसी परियोजनाका केही सर्तहरू नेपालको स्वतन्त्र सार्वभौमसत्ता र स्वाभिमान तथा पञ्चशील सिद्दान्तको मान्यता विरुद्दमा रहेको भन्दै सम्झौताबाट असमान बुँदा खारेजीको माग गरेको हो ।
कतार स्थित नेपाली राजदुतावासका कार्यवाहक राजदुत लक्ष्मण खनाल मार्फत बुझाएको ज्ञापन पत्रमा एमसीसी सम्झौतामा नेपालको कानुन, संविधान, सम्प्रभुता र राष्ट्रियता प्रति गम्भीर आँच आउने गरि संसदबाट अनुमोदन हुनुपर्ने लगाएतका शर्त राखीएकोमा आपत्ति प्रकट गरिएको छ ।
साथै ज्ञापनपत्रमा नेपालमा थुप्रै मित्र राष्ट्रसंगै अमेरिकि सरकारले पनि विभिन्न सहयोग परियोजना सन्चालन गरि रहेको भए पनि एमसिसी सम्झौतामा थुप्रै असमान शर्तहरु रहेकोले यथास्थितिमा लागु नगर्न माग गरेको छ ।
