आदर्श अनलाइन, बागलुङ
स्थानीय तह निर्वाचनमा तालमेल गरेर अगाडी बढेको सत्तारुढ पाँच दलिय गठबन्धनले बागलुङ नगरपालिका स्तरिय प्रतिवद्धता पत्र सार्वजनिक गरेको छ । ‘समुन्नत बागलुङ निर्माण हाम्रो अभियान’ भन्ने मुल नाराका साथ गठबन्धनले आगामी ५ वर्षमा बागलुङ नगरपालिकाको लागि साझा प्रतिवद्धता सार्वजनिक गरेको हो ।
गठबन्धनको तर्फबाट बागलुङ नगरपालिकाको मेयरका उम्मेदवार नेपाली काँग्रेसका वसन्तकुमार श्रेष्ठ र उपमेयरका उम्मेदवार नेकपा (माओवादी केन्द्र)का राजु खड्काले संयुक्त रुपमा प्रतिवद्धता पत्र सार्वजनिक गरेका हुन् ।
प्रतिवद्धता पत्रमा आर्थिक विकास क्षेत्र तर्फ कृषि तथा पशुपालन, सिंचाई, सम्पदा संस्कृति एंव पर्यटन, उद्योग व्यवसाय तथा रोजगारी र बैंक, वित्तिय सेवा र सहकारीका विषयलाई जोड दिईएको छ ।
आगामी ५ वर्षमा एक घर एक धारा कार्यक्रमलाई टोलटोलमा पु¥याइने र श्रम वैंकको स्थापना गरि बेरोजगार युवालाई रोजगारी उपलब्ध गराउने उल्लेख गरिएको छ । सामाजिक विकासको क्षेत्रमा शिक्षा तथा नव प्रवद्र्धन, स्वास्थ्य तथा पोषण, खानेपानी तथा सरसफाइ, महिला बालबालिका तथा सामाजिक समावेशिकरण र युवा तथा खेलकुदका विषयलाई जोड दिईएको छ । पूर्वाधार विकास तर्फ सडक यातायात, अवास, भवन, वस्ती तथा शहरी विकास, वैकल्पिक उर्जा, सञ्चार तथा प्रविधि, फोहोरमैला व्यवस्थापनका तथा दिगो ढलनिकासको विषयलाई प्राथमिकता दिइएको छ ।
प्रतिवद्धता पत्रमा वन, वातावरण तथा विपद् व्यवस्थाप, संस्थागत विकास तथा सुशासन लगाएतका विषय उल्लेख गरिएको छ ।