रोहन जि.सी, बागलुङ
राष्ट्रिय उपभोक्ता मञ्च बागलुङले पेट्रोलियम पदार्थमा भएको मुल्य वृद्धि रोक गर्न माग गर्दै प्रधानमन्त्रीको कार्यालयमा ज्ञापन पत्र पठाएकोे छ । मञ्चंका अध्यक्ष शैलेन्द्र कुमार श्रेष्ठ र सदस्य जयलाल सापकोटाको टोलीले बागलुङका सहायक प्रमुख जिल्ला अधिकारी गणेश पौडेल मार्फत प्रधानमन्त्रीको कार्यालयमा ज्ञापन पत्र हस्तान्तरण गरेको हो ।
मञ्चका अध्यक्ष शैलेन्द्र कुमार श्रेष्ठद्धारा हस्ताक्षेरित विज्ञप्तीमा नेपाल आयल निगमले ग्यास तथा इन्धनमा हालै गरेको भारी मृल्य वृद्धिमा तत्काल खारेज गरी पहिलेकै मुख्य कायम गर्न माग गरिएको छ ।
आम उपभोक्ताको ढाड सेक्ने गरी गरिएको मुल्य वृद्धिले जनताको हकहित र नियम विपरित भएको भन्दै ज्ञापन पत्रमा नेपालको संविधान २०७२ ले उपभोक्ताको मौलिक हकको व्यवस्था गरेकोले संविधानको पालना गरी सो बमोजिम मुल्य वृद्धि फिर्ता लिन आग्रह गरिएको छ ।
आम जनतालाई बिहान बेलुकी हातमुख जोर्न समस्या पर्ने स्थिति लाई मध्यनजर गरी मृल्य वृद्धि रोक्नुपर्ने ज्ञापन पत्रमा उल्लेख छ । राष्ट्रिय उपभोक्ता मञ्चका अध्यक्ष शैलेन्द्र कुमार श्रेष्ठले बुझाएको ज्ञापन पत्र बुझ्दै सहायक प्रमुख जिल्ला अधिकारी गणेस पौडेलले ज्ञापन पत्र सक्दनो छिटो प्रधानमन्त्रीको कार्यालयमा पठाउने प्रतिवद्धता जनाउनुभयो ।