आदर्श अनलाइन, बागलुङ
बागलुङको बुर्तिबाङमा प्रिन्सिपलको कुटाइबाट एक विद्यार्थी गम्भीर घाइते भएको घटना बाहिर आएपछि प्रहरीले आज प्रिन्सिपललाई पक्राउ गरेको छ ।
ढोरपाटन नगरपालिका वडा नम्बर १ बुर्तिबाङ स्थित न्यू मोर्डन एकेडेमीमा कक्षा ९ मा अध्ययन गर्ने तमानखोला गाउँपालिका वडा नम्बर २ भयरबोङ्गाका १५ वर्षीय हिक्मत विक प्रिन्सिपल दीपक कुवँरको कुटाइबाट असार २२ गते गम्भीर घाइते भएका थिए ।
उक्त घटना बाहिर आएपछि कुवँरलाई प्रहरीले आज बुर्तिबाङबाट पक्राउ गरेको जिल्ला प्रहरी कार्यालयका सूचना अधिकारी तथा प्रहरी नायव उपरिक्ष इन्द्र बहादुर रानाले जानकारी दिनुभयो ।
घाइते विकको शरिरमा चोट नभए पनि टाउको र शरिरका विभिन्न अंगहरुमा निलडाम छन् । टाउकोमा ठूलो चोट पुगेको हुँदा उनलाई रिगंगटा लागेर उठ्न नक्ने भएको विककी आमा मन्सरा विकले जानकारी बताउनुभयो । विद्यार्थी विकको उपचारका लागि परिवारले पोखरा लगिएको छ । घटनाको विषय बिहीबार मात्रै सार्वजनिक भएको हो । घटनाको अनुसन्धानका लागि प्रिन्सिपललाई प्रहरीले नियन्त्रणमा लिएको छ ।
विद्यार्थी कुट्ने प्रिन्सिपल पक्राउ
