आदर्श अनलाइन, बागलुङ
बागलुङको गलकोट नगरपालिका–७ मल्म निवासी सुबेदार जंग बहादुर केसीको निधनमा सातसय बजाले थापा समाज मल्मले दुःख व्यक्त गर्दै श्रद्धाञ्जली सभा कार्यक्रम गरेको छ ।
सामाजिक व्यत्तित्व तथा तथा अत्यन्तै मिलनसार केसीले जीवनकालमा शिक्षा, स्वास्थ्य, सडक तथा खानेपानीको विकासमा सक्रिय रुपमा काम समेत गर्नुभएको थियो । केसीकोे ८९ वर्षको उमेरमा निधन भएको हो ।
मृतक केसीको निधनमा दुःख व्यक्त गर्दै सातसय बगाले थापा समाजका संस्थापक अध्यक्ष दुर्गा बहादुर थापा, समाजका अध्यक्ष दल बहादुर थापा, समाजसेवी ज्ञान बहादुर थापा, याम बहादुर थापा र महिला जागरण केन्द्र मल्मका अध्यक्ष ललिता थापा लगायतले केसीले समाज रुपान्तरणको कार्यमा खेलेको भूमिका स्मरणीय रहेका बताएका थिए ।
श्रद्धान्जी कार्यक्रमको समाजका अधयक्ष दल बहादुर थापाको अध्यक्षता तथा समाजका सदस्य प्रकाश थापाको सञ्चालनमा सम्पन्न भएको थियो ।