आदर्श अनलाइन, बागलुङ
नेपाल सरकारका शिक्षा, विज्ञान तथा प्रविधिमन्त्री देवेन्द्र पौडेल आगमी प्रतिनिधिसभा सदस्य निर्वाचनका लागि बागलुङका दुई वटै निर्वाचन क्षेत्रबाट सिफारिस हुनुभएको छ ।
बागलुङमा दुई संघीय र चार प्रदेश निर्वाचन क्षेत्र रहेकोमा प्रतिनिधिसभा निर्वाचनका लागि जिल्लाको दुईवट निर्वाचन क्षेत्रबाट सिफारिस हुनुभएको हो ।
मन्त्री पौडेल गत निर्वाचनमा बागलुङ क्षेत्र नम्बर २ बाट निर्वाचति हुनुभएको थियो । पौडेलको स्थायी घर बागलुङ क्षेत्र नम्बर १ मा पर्दछ ।
नेकपा माओवादी केन्द्र बागलुङका अनुसार बागलुङ क्षेत्र नम्बर एक बाट मन्त्री पौडेल सहित कृष्ण केसीको नाम प्रतिनिधिसभाका लागि सिफारिस गरिएको नेकपा माओवादी केन्द्र बागलुङ जिल्ला इन्चार्ज बलावती शर्माले जानकारी दिनुभयो ।
इन्चार्ज शर्माका अनुसार बागलुङ क्षेत्र नम्बर २ बाट शिक्षा, विज्ञान तथा प्रविधिमन्त्री देवेन्द्र पौडेल सहित गण्डकी प्रदेशका भुमि व्यवस्था सहकारी तथा गरिबी निवारण मन्त्री चन्द्र बहादुर बुढाको नाम समेत सिफारिस गरिएको छ ।
निर्वाचन क्षेत्रका हिसावले क्षेत्र नम्बर दुईले र भूगोलका हिसाबले क्षेत्र नम्बर एकले सिफारिस गरेको हो । यस्तै बागलुङ क्षेत्र नम्बर १ प्रदेश सभा (क) का लागि दुई जनाको नाम सिफारिस गरिएको छ ।
उक्त प्रदेशसभा सदस्यका लागि यज्ञ वल्भ शर्मा र चक्रपाणी कंडेले सिफारिस हुनुभएको छ । यस्तै बागलुङ क्षेत्र नम्बर १ प्रदेश सभा (ख) का कुलचन्द्र शर्माको नाम सिफारिस गरि पठाइएको जिल्ला इन्चार्ज शर्माले बताउनुभयो ।
बागलुङ क्षेत्र नम्बर २ को प्रदेश सभा क र ख का लागि उम्मेदवारहरुको नाम सिफारिसका लागि छलफल भइरहेको माओवादी केन्द्र बागलुङले जनाएको छ ।