आदर्श अनलाइन, बागलुङ
शुद्ध खानेपानीको माग गर्दै बागलुङ नगरपालिकाको बजार क्षेत्रमा खानेपानी बितरणको जिम्मा पाएको बागलुङ नगर खानेपानी तथा उपभोक्ता संस्थाको कार्यालयमा लगाइएको चाँबी तीन दिनपछि खुलेको छ ।
शुद्ध खानेपानीको माग गर्दै शुक्रबार संस्थाको अध्यक्ष, प्रबन्धक र समितिको बैठक कक्षमा लगाइएको ताला चारबुँदे सहमती संगै आइतरबा खुलेको छ । वितरण गरेको पानी धमिलो, अशुद्ध र खान योग्य नभएको नागरिकको गुनासो भइरहदा सम्म नगरखानेपानीले अटेरी गर्दै नागरिकको स्वास्थ्यमाथी खेलवाड गरेको भन्दै राष्ट्रिय युवा संघ बागलुङ नगरकमिटिले शुक्रबार कार्यालयमा ज्ञापन पत्र सहित तालाबन्दी गरेको थियो ।
खानेपानीको परिक्षणका क्रममा समेत कोलिफर्म भेटिदै आएको छ । बागलुङ बजारमा बितरण गर्दै आएको पानी अशुद्ध भएको, आम नागरिकको स्वास्थ्यमाथी खेलवाड गरेको, संस्थाको आर्थिक प्रणाली अपारदर्शी भएको र अधिवेशन नगरेको भन्दै राष्ट्रिय युवा संघ नेपाल बागलुङ नगर कमिटिले तालाबन्दी गरेको हो ।
आइतबार कार्यालयमा राष्ट्रिय युवा संघ बागलुङ नगर कमिटि र नगरखानेपानी बीच चार बुँदे सहमती संगै ताला खुलाइएको राष्ट्रिय युवा संघ बागलुङ नगर कमिटि अध्यक्ष निकेश अधिकारीले बताउनुभयो ।
खानेपानी र युवा संघ बीच तत्कालै खानेपनी वितरण प्रणलीलाई सुधार गर्ने र आगम िमाघ मसान्त भित्र शुद्ध खानेपानी वितरण गर्ने, नगर खानेपानीको विधान संसोधन पश्चात अधिवेशन गर्ने, रिक्त रहेको प्राविधक नियुक्त गर्ने र लेखा तथा सुपरीवेक्षण समिति गठन गर्ने समहती संगै तालाबन्दी खुलाइएको हो ।