सन्तोष क्षत्री, दोहा कतार
बागलुङ सेवा समाज कतारले विविध कार्यक्रम सहित गर्न लागेको ११ औं अधिवेशनको तयारी तीब्र बनाएको छ ।
कतारको सहानिया स्थित अलदोसरी पार्कमा यही जनवरीको २४ तारिखमा गर्न लागेको कार्यक्रमको तयारी अन्तिम चरणमा पुगेको जनाएको छ ।
बागलुङबासीको चाहना,स्वदेशमा शान्तिको कामना भन्ने मुल नाराका साथ सन् २००५ मा स्थापना गरिएको संस्था सामाजिक सेवामा सक्रिय रहेको छ ।
संस्थाले आफनो ११ औं अधिवेशन नेपाली मौलिक पञ्चेबाजा सहित गर्न लागेको भन्दै अध्यक्ष सागर पौडेलले सबैलाई सहभागीताको लागि आग्रह गर्नुभयो । साथै अध्यक्ष पौडेलले संस्थाको साधारण तथा आजीवन सदस्यता खुल्ला गरेको भन्दै बागलुङ घर भै कतार कर्मभुमी बनाएका सबैलाई सदस्यता लिन आव्हान गर्नुभयो ।