आदर्श अनलाइन, म्याग्दी
हिमाली जिल्ला म्याग्दीको सदरमुकाम बेनीमा रहेको लोकदीप बचत तथा तथा ऋण सहकारी संस्था लिमिटेडले चावर्षे रणनीतिक योजना तयार गरेको छ ।
म्याग्दी जिल्लाको प्रशिद्ध पर्यटकीयस्थल टोड्केमा शनिबार र आइतबार गरी दुई दिनसम्म सञ्चालन भएको रणनीतिक योजना तर्जुमा कार्यशाला गोष्ठीले आगामी ४ वर्षको लागि लक्ष्य, रणनीति, बजेट र योजना निर्माण गरेको हो ।
आगामी चार वर्षमा संस्थालाई कुन स्थानमा पु¥याउने र के–कस्ता काम गर्ने भन्ने विषयमा राष्ट्रिय सहकारी बैंकका तालिम शाखाका प्रशिक्षक नवकुमार अधिकारीले सहजीकरण गर्नुभएको थियो । गोष्ठीमा संस्थालाई आवश्यक पर्ने थप नयाँ कार्यविधि, नियमावली तथा शेयर सदस्य अनुकुलका योजना, संस्थाको सदस्यता विस्तार, शेयर वृद्धि, बचत वृद्धि, सदस्यहरुमा सहकारी तालिम र सहकारी शिक्षालगायत विविध विषयमा केन्द्रीत भएर रणनीतिक योजना बनाइएको सहकारीका प्रबन्धक नेत्रराज सुवेदीले बताउनुभयो ।
संस्थाले आधुनिक प्रविधिको प्रयोगलाई जोड दिँदै मोबाइल बैङ्किङ तथा क्युआर कोड सेवालाई यसै आर्थिक वर्षदेखि सुरुवात गर्ने प्रतिबद्धता जनाएको छ । गोष्ठीमा संस्थाको सञ्चालक समितिका पदाधिकारी, लेखा समिति, सबै उपसमितिहरु र कर्मचारी गरी २१ जनाको सहभागिता रहेको थियो ।
राष्ट्रिय सहकारी बैंकको प्राविधिक सहयोगमा सञ्चालन गरिएको गोष्ठीको संस्थाका अध्यक्ष हरिकृष्ण गौतमको अध्यक्षता, उपाध्यक्ष प्रमिला जोशी श्रेष्ठको स्वागत र सचिव ओमप्रसाद शर्माले सञ्चालन गरेका थिए । संस्थाले ‘सहज पहुँचसहित विश्वनीय सहकारी’ भन्ने भिजन पारित गरेको छ । सहकारीले राष्ट्रिय सहकारी बैंक र नेपाल बचत तथा ऋण केन्द्रीय सहकारी संघ (नेफ्स्कुन)मा आबद्ध रहेर कारोबार गरिरहेको छ ।
लोकदिप बचत तथा ऋण सहकारी संस्था लिमिटेड राष्ट्रिय सहकारी बैंकको केयर कार्यक्रममा अबद्ध भएको सहकारी भएकाले पनि संस्थामा बैंकले तालिम लगायतका बिबिध पक्षमा सहकार्य गर्ने गरेको छ ।