आदर्श अनलाइन, बागलुङ
बंगलादेशमा हुन गईरहेको अन्तराष्ट्रिय कराँते प्रतियोगितामा बागलुङका चार खेलाडीले प्रतिस्पर्धा गर्ने भएका छन् ।
बागलुङको बडिगाड डोजोबाट चार खेलाडीहरु अन्तराष्ट्रिय कराँते प्रतियोगितामा प्रतिस्पर्धाका लागि बंगालादेश तर्फ लागेका बडिगाड डोजोले जनाएको छ ।
अन्तराष्ट्रिय प्रतियोगितामा सहभागी हुने बडिगाड डोजोका खेलाडहरुलाई आज बडिगाड गाउँपालिकाका अध्यक्ष गण्डकी थापा अधिकारी र उपाध्यक्ष भिमसेन वनले बिदाई गर्नुभएको हो ।
यही जनरी १३ र १४ मा बंगलादेशमा आयोजना हुने अन्तराष्ट्रिय कराँते प्रतियोगितामा बडिगाड डोजो बागलुङबाट विज्जल पाईजा ४५ केजी, लक्ष्मण पुन ४७ केजी, गणेश पाईजा ५५ केजी र राजन कुमार पाइजा ६० केजीमा प्रतिस्पर्धा गर्नुहुने बडिगाड गाउँपालिका अध्यक्ष गण्डकी थापा अधिकारीले बताउनुभयो ।
खेलाडी राजन कुमार पाईजा बडिगाड डोजोको प्रमुख प्रशिक्षक समेत हुनुहुन्छ । उहाँ राष्ट्रिय तथा अन्तराष्ट्रिय प्रतियोगितामा सहभागी हुँदै आउनुभएको छ ।
