रोहन जि.सी, बागलुङ
बङ्गलादेशमा भएको अन्तराष्ट्रिय कराते प्रतियोगितामा नेपालबाट प्रतिनिधित्व गर्दै बागलुङ बडिगाड गाउपालिकाका बडिगाड डोजोका खेलाडि गणेश पाईजाले स्वर्ण पदक जित्न सफल हुनु भएको छ ।
त्यस्तै प्रतियोगितामा ४५ केजिमा लक्ष्मण पुनले रजत पदक, विज्जल पाईजा र राजन कुमार पाईजाले रजत पदक जित्न सफल हुनु भएको छ। टिम ब्यबस्थापक तेजेन्द्र पाईजाको नेतृत्वमा बडिगाड डोजो सो प्रतियोगिता खेल्न गएको हो ।
बडिगाड डोजोका प्रमुख प्रशिक्षक रहेका राजन कुमार पाईजा सहित अन्य खेलाडी विभिन्न प्रतियोगितामा भाग लिएर बागलुङ र देश बाट प्रतिनिधित्व गर्दै खेल्दै आउनुभएको छ ।
बडिगाड गाँउपालिकाका अध्यक्ष, उपाध्यक्ष लगायत बडिगाड गाँउपालिकाको कार्यालयले खेलाडीहरुलाई बधाइ तथा शुभकामना ज्ञापन गरेको छ। बडिगाड गाँउपालिकाले कराते खेललाई विशेष रुपमा लिदै आएको छ र बडिगाड डोजोले पनि खेलकुदमा नया चिनारि लिन सफल भएको छ ।
