आदर्श सञ्चार सहकारीद्वारा श्रद्धाञ्जली सभा

–आदर्श अनलाइन, बागलुङ
आदर्श सञ्चार सहकारी संस्था लिमिटेड बागलुङले संस्थाका शेयर सदस्य लोक बहादुर खड्काकी श्रीमति बा.न.पा.–१, रामरेखा निवासी सीता कुमारी खड्काको असमायिक निधनप्रति दुःख व्यक्त गर्दै घरमै पुगेर श्रद्धाञ्जली सभा सम्पन्न गरेको छ ।

खड्काको निधन भएको १० औं दिनको पुण्यतीथि पारेर आज श्रद्धाञ्जली सभासहित परिवारलाई आदर्श सञ्चार सहकारी संस्थाले राहत रकम हस्तान्तरण गरेको छ । श्रद्धाञ्जली सभामा संस्थाका सचिव सरस्वती खड्का परियार, कर्जा विभाग प्रमुख रुपादेवी ढकाल शर्मा, बजार प्रतिनिधि लक्ष्मी शर्मा, शेयर सदस्य सोफिया परियार लगायतको उपस्थितीमा सदस्यका एकाघरका परिवारका सदस्यको निधनमा प्रदान गरिने मृत्यु राहत स्वरुप नगद रु. पाँच हजार रुपैयाँ स्वर्गीय खड्काका भान्जा सूर्य लामिछानेलाई हस्तान्तरण गर्नुभएको थियो ।

आदर्श सञ्चार सहकारी संस्थाले सदस्य राहत कोषबाट शेयर सदस्यको निधनमा रु.१५ हजार र शेयर सदस्यका एकाघरका परिवारका सदस्यको निधनमा रु.५ हजार रकम राहत स्वरुप प्रदान गर्दै आएको छ ।

आदर्श सञ्चार सहकारी संस्थाले स्थापनाकाल देखि नै धौलागिरी जागरण दैनिक पत्रिका प्रकाशनसंगै सहप्रकाशन अग्रसर साप्ताहिक, आदर्शसञ्चार अनलाइन, धौलागिरी टेलिभिजनमा सहकार्य गर्नुका साथै वित्तीय तथा सामाजिक क्षेत्रमा समेत काम गर्दै आइरहेको छ ।