आदर्श अनलाइन, बागलुङ
बागलुङको काठेखोला गाँउपालिकाका शिक्षकहरुलाई शिक्षण सिकाइमा बाल तथा लैङ्गिकमैत्री शिक्षण सिकाई सम्बन्धि तालिम बिहिबार सम्पन्न भएको छ ।
हेम्पेल फाउण्डेसन र भिएसओ नेपालको आर्थिक तथा प्राविधिक सहयोग र स्थानीय संस्था विवाईसी बागलुङको व्यवस्थापनमा संचालित सिकाइ परियोजना अन्तर्गत शिक्षकहरुका लागि आयोजना गरिएको तीन दिने शिक्षण सिकाइमा बाल तथा लैङ्गिकमैत्री शिक्षण सिकाई सम्बन्धि तालिम बिहिबार सम्पन्न भएको हो ।
कार्यक्रममा सहभागिहरुको तर्फबाट शिक्षक टीका थापा, शिक्षक युवराज थापा लगायतले मन्तव्य व्यक्त गर्नुभएको थियो ।
तालिममा काठेखोला गाँउपालिका अन्तर्गत विभिन्न २७ विद्यालयका २७ जना शिक्षकहरुको सहभागीता रहेको बिवाईसी बागलुङका सिकाइ परियोजना अनुगमन तथा मूल्याकंन अधिकृत बिमल शर्माले जानकारी दिनुभयो ।
प्रशिक्षण कार्यक्रममा बच्चुराम बस्नेतले सहजीकरण गर्नुभएको थियो । समापन कार्यक्रम विवाईसी बागलुङका सचिव दिपक गौतमको अध्यक्षता र काठेखोला अन्तर्गत सिकाइ परियोजना फिल्ड सुपर्भाइजर कृष्ण कंडेलको सञ्चालनमा सम्पन्न भएको थियो ।
