आदर्श अनलाइन, पोखरा
१५ औैं स्थापना दिवसको अवसर पारी पोखरा–६ बैदाममा रहेको शान्तिपाटन बचत तथा ऋण सहकारी संस्थाले रक्तदान कार्यक्रम सम्पन्न गरेको छ ।
स्थापना दिवसको अवसरमा आयोजित रक्तदान कार्यक्रममा ३२ युनिट रगत संकलन भएको शान्तिपाटन बचत तथा ऋण सहकारी संस्था लिमिटेडका अध्यक्ष मोहन बहादुर कार्कीले जानकारी दिनुभयो ।
जिल्ला सहकारी संघ कास्कीका अध्यक्ष सावित्रा कोइरालाले रक्तदाता बिनोद आचार्यलाई ब्लड ब्याग हस्तान्तरण गरी शुरु भएको रक्तदान कार्यक्रममा ३२ जनाले रक्तदान गरेका थिए ।
स्वाथ्य जीवनका लागि रक्तदान, पुण्यका लागि रक्तदान’ भन्ने नाराका साथ रक्तदान कार्यक्रम आयोजना गरिएको कार्यक्रम संयोजक मीना भट्टराइले जानकारी दिनुभयो ।