आदर्श अनलाइन, बागलुङ
बुटवलदेखि बागलुङको बुर्तिबाङ आउँदै गरेको यात्रु बाकह बस दुर्घटनामा परेको छ । आइतबार विहान बुटवलदेखि बुर्तिबाङ तर्फ आउँदै गरेको लु १ ख ५९५६ नम्बरको बस पाल्पाको तिनाउ गाउँपालिका–५ जोरधारा नजिकै विहान नौ बजेट दुर्घटनामा परेको हो ।
दुर्घटनामा एक जनाको मृत्यु भएको छ भने ३८ जना घाइते भएको जिल्ला प्रहरी कार्यालय पाल्पाका प्रहरी प्रमुख प्रहरी उपरीक्षक हेरम्ब शर्माले आदर्श अनलाइनलाई जानकारी दिनुभयो । मृत्यु हुनेको पहिचान नखुलेको शर्माको भनाइ छ ।
घाइते सबैलाई लुम्बिनी मेडिकल कलेज प्रभासमा पठाइएको शर्माले जानकारी दिनुभयो । घाइतेहरू अधिकांशको अवस्था अवस्था गम्भीर रहेको प्रहरीले जनाएको छ । बस भीरमा अड्किएको बताइएको छ ।
