मनकुमारी केसी, बागलुङ
आदर्श सञ्चार सहकारी संस्था लिमिटेड बागलुङले संस्थाका शेयर सदस्य केशव प्रसाद शर्माकी आमा बरेङ निवासी गायत्रीदेवी शर्माको निधनप्रति दुःख व्यक्त गर्दै घरमै पुगेर श्रद्धाञ्जली सभा सम्पन्न गरेको छ ।
शर्माको निधन भएको बाह्रौं दिनको पुण्यतीथि पारेर श्रद्धाञ्जली सभासहित परिवारलाई आदर्श सञ्चार सहकारी संस्थाले राहत रकम हस्तान्तरण गरेको हो ।
श्रद्धाञ्जली सभामा संस्थाका सञ्चालक तथा बरेङ गाँउपालिका समन्वय उपसमितिका संयोजक जयराम शर्मा, सदस्यहरु गिरि प्रसाद पौडेल, प्रेम गिरी, हरि प्रसाद पौडेल लगायतले सदस्यका एकाघरका परिवारका सदस्यको निधनमा प्रदान गरिने मृत्यु राहत स्वरुप नगद पाँच हजार रुपैयाँ स्वर्गीय शर्माको परिवारलाई हस्तान्तरण गर्नुभएको थियो ।
आदर्श सञ्चार सहकारी संस्थाले सदस्य राहत कोषबाट शेयर सदस्यको निधनमा रु.१५ हजार र शेयर सदस्यका एकाघरका परिवारका सदस्यको निधनमा रु.५ हजार रकम राहत स्वरुप प्रदान गर्दै आएको छ ।
आदर्श सञ्चार सहकारी संस्थाले स्थापनाकाल देखि नै धौलागिरी जागरण दैनिक पत्रिका प्रकाशनसंगै सहप्रकाशन अग्रसर साप्ताहिक, आदर्शसञ्चार अनलाइन, धौलागिरी टेलिभिजनमा सहकार्य गर्नुका साथै वित्तीय तथा सामाजिक क्षेत्रमा समेत काम गर्दै आइरहेको छ ।
आदर्श सञ्चार सहकारीद्वारा बरेङमा श्रद्धाञ्जली सभा सम्पन्न
