आदर्श अनलाइन, बागलुङ
आदर्श सञ्चार सहकारीद्वारा श्रद्धाञ्जली व्यक्त गरेको छ । संस्थाका शेयर सदस्य मोहन के.सीकी पुजनीय पिता, शेयर सदस्यहरु उमादेवी केसी र भगवती के.सीका ससुराबाबा तथा संस्थाका कर्मचारी इस्टाफन के.सीकी हजुरबाबा कर्ण बहादुर क्षत्रीको निधनप्रति दुःख व्यक्त गर्दै घरमै पुगेर श्रद्धाञ्जली सभा सम्पन्न गरेको हो ।
काठेखोला गाउँपालिका–२ भिमापोखरा स्थायी घर भई हाल बा.न.पा.–३ गुठी, निवासी क्षत्रीको निधन भएको नवौंैं दिनको पुण्यतीथि पारेर श्रद्धाञ्जली सभासहित परिवारलाई आदर्श सञ्चार सहकारी संस्थाले राहत रकम हस्तान्तरण गरेको हो ।
श्रद्धाञ्जली सभामा संस्थाका कोषाध्यक्ष शान्तीलक्ष्मी श्रेष्ठ, सञ्चालक गीता खड्का, अम्बिका जि.सी., प्रबन्धक दिपकराज सापकोटा लगायतले सदस्यका एकाघरका परिवारका सदस्यको निधनमा प्रदान गरिने मृत्यु राहत स्वरुप नगद पन्ध्र हजार स्वर्गीय क्षत्रीको परिवारलाई हस्तान्तरण गर्नुभएको थियो ।
आदर्श सञ्चार सहकारी संस्थाले सदस्य राहत कोषबाट शेयर सदस्यको निधनमा रु.१५ हजार र शेयर सदस्यका एकाघरका परिवारका सदस्यको निधनमा रु.५ हजार रकम राहत स्वरुप प्रदान गर्दै आएको छ ।
आदर्श सञ्चार सहकारी संस्थाले स्थापनाकालदेखि नै धौलागिरी जागरण दैनिक पत्रिका प्रकाशनसंगै सहप्रकाशन अग्रसर साप्ताहिक, आदर्शसञ्चार अनलाइन, धौलागिरी टेलिभिजनमा सहकार्य गर्नुका साथै वित्तीय तथा सामाजिक क्षेत्रमा समेत काम गर्दै आइरहेको छ ।