आदर्श अनलाइन, काठमाडौं
गैरआवासीय नेपाली संघ (एनआरएनए) अध्यक्षका प्रत्याशी राजेन्द्र कुमार शर्मा (आर.के)लाई ‘डायस्पोरा बिजिनेस अवार्ड’बाट सम्मानित गरिएको छ ।
प्रधानमन्त्री पुष्पकमल दाहाल ‘प्रचण्ड’ले शर्मालाई ‘डायस्पोरा बिजनेश अवाड’ प्रदान गर्नुभएको थियो ।
शर्मा कतारमा सफल नेपाली व्यवसायीको रुपमा चिनिनु हुन्छ । गैरआवासीय अभियानमा करिब दुई दशकदेखि सक्रिय शर्मा समाजसेवामा समेत सक्रिय हुनुहुन्छ ।
सिजन मिडिया प्रा.लिले १५ औं स्थापना दिवसको अवसरमा आयोजना गरेको वार्षिकोत्सवको वसरमा दक्षिण एसियाली देशका सफल व्यावसायिक व्यक्तित्वलाई ‘‘एसियन प्रोफेसनल अभिच्मेन्ट अवार्ड २०२३’ सहित सम्मान गरेको थियो ।
प्रधानमन्त्री प्रचण्डले आरके शर्मा सहित व्यवसायमा उच्च स्थान बनाएका व्यक्तिलाई सम्मान गर्न पाउनु गौरवको विषय भएको बताउनु भएको थियो ।
कार्यक्रममा डा भगवान कोइराला, निर शाह, डा.राजेन्द्र केसी, सन्तोष शाह, किरणकुमार श्रेष्ठ, शम्भु श्रेष्ठ, राजेन्द्र कुमार शर्मा लगायतका व्यक्तित्वलाई प्रधानमन्त्री प्रचण्डद्वारा सम्मान प्रदान गरिएको थियो ।
शर्माले यस अघिनै पत्रकार सम्मेलनको आयोजना गरेर एजेण्डा सार्वजनिक गर्दै अध्यक्षमा उम्मेदवारी दर्ता गराउनु भएको थियो । शर्माले २४ महिनामा २४ कार्यक्रम सम्पन्न गर्ने बाचा सहित बाचापत्र ल्याउनु भएको छ ।
शुक्रबार राजधानीमा आयोजित पत्रकार सम्मेलनमा शर्माले आफ्नो बाचापत्रमा मध्यपूर्व, युरोप, अमेरिका लगायत संसारभर बस्ने एनआरएनएलाई समेट्ने योजना समेटिएको बाचापत्र सार्वजनिक गर्नुभएको थियो ।
उहाँले आफ्नो चुनावी बाचापत्रलाई निर्वाचित भएको खण्डमा इमानदार भएर पुरा गर्न लागि पर्ने बताउनु भएको थियो । ‘संरसारभर छरिएर रहेका नेपालीलाई समेटेर बाचापत्र निर्माण गरि सार्वजनिक गरेको छु,’ शर्माले भन्नुभयो ‘मध्यपूर्वले एनआरएनएको २० वर्षे अभियानमा हालसम्म नेतृत्व पाएको छैन्, यसपटक सबैले साथ दिनुहुन्छ भन्नेमा ढुक्क छु ।’
