आदर्श अनलाइन, म्याग्दी
म्याग्दीको सदरमुकाम बेनीबाट नेप्टेचौर तर्फ जाँदै गरेको ध १ ज १०७० नम्बरको गाडी दुर्घटना हुँदा ८ जना घाइते भएका छन् ।
गाडीमा सवार बेनी नगरपालिका–९ नेप्टेचौरका १७ वर्षिय विवेक चोखाल, ३३ वर्षिया अञ्जना चोखाल, ६५ वर्षिय दिवाकर सुवेदी, ४८ वर्षिय रामजी सुवेदी, ३४ वर्षिय हिरा चोखाल, ४९ वर्षिय गोमा श्रेष्ठ, चालक ४९ वर्षिय गणेश क्षेत्री र पोखरा महानगरपालिका १६ का ३६ वर्षिय राजु नेपाली घाइते भएको बेनी अस्पतालले जनाएको छ ।
जिल्ला प्रहरी कार्यालय म्याग्दीका प्रहरी निरीक्षक समुन्नत अधिकारीका अनुसार रोकेर यात्रु झार्न खोज्ने क्रममा गाडी आफै बगेर दुर्घटना भएको प्रारम्भीक अनुसन्धानबाट खुलेको छ ।
गाडीमा लोड भएको कारण उकालो बाटोमा रोकेर यात्रु झार्न खोज्दा दुर्घटना हुन पुगेको हो ।
गाडी दुर्घटना स्थल नजिकै धान भित्राउने मानिसहरु भएकोले तत्काल उद्धार गर्न सकिएको स्थानीय प्रत्यक्षदर्शी टिकाराम सुवेदीले बताउनुभयो ।
चालकले ओट लगाउँन ढुंगा राख्नै लाग्दा गाडी बग्न थालेपछि उनलाई समेत डलाउँदै दुर्घटना भएको उहाँको भनाई छ ।
