आदर्श अनलाइन, बागलुङ
सम्बन्ध स्थानीय सन्देश राष्ट्रिय भन्ने मुल नाराका साथ नेकपा एमालेले सुरु गरेको सम्वृद्धिका लागि संकल्प यात्राको टोलिलाई बिहीबार बिहान १० बजे बागलुङ बजारमा स्वागत गर्ने कार्यक्रम रहेको छ ।
बुधबार नेकपा एमालेका अध्यक्ष केपी शर्मा ओली सहित १ सय ५० केन्द्रीय नेता सहित बागलुङ प्रवेश गरेको टोली गलकोट नगरपालिकाको हटियामा आएर बास कार्यक्रम तालिका छ ।
संकल्प यात्राको टोलीलाई गण्डकी प्रदेश र लुम्बिनी प्रदेशको सिमाना बागलुङको पातिहाल्ने प्रवेश गरेसँगै बाजागाजा सहित स्वागत गरिएको थियो ।
झिवाखोला, बुर्तिवाङ, गुल्मिको वामिटक्सार हुँदै गल्कोट आएर बास बस्ने टोलीलाई बिहीबार बिहान १० बजे बागलुङमा स्वागत गर्न उपस्थित हुन जनसमुदायलाई नेकपा एमाले बागलुङका अध्यक्ष हिराबहादुर केसीले आग्रह गर्नु भएको छ ।
बैतडीको झुलाघाटदेखि सुरु भएको यात्राको आठौं दिन मंसिर २१ गते बिहीबार एमाले अध्यक्ष ओलीले बागलुङ बजारको लोकतान्त्रीक चोकमा सम्बोदन गर्ने कार्यक्रम रहेको छ ।
नेकपा एमाले बागलुङका अध्यक्ष केसीले यो अभियान नेकपा एमालेको मात्र नभएको भन्दै अध्यक्ष ओलीलाई सुन्न, बुझन र सुझाव समेत दिनका लागि बागलुङ बासीलाई लोकतान्त्रीक चोकमा उपस्थित हुन अनुरोध गर्नुभएको हो ।