आदर्श अनलाइन, बागलुङ
बागलुङको बरेङ गाउँपालिका–३ बाटाकाचौरमा भिषण आगलागी भएको छ । आज दिउसो १२ बजेदेखि किसिमकोट सामुदायिक वनमा आगलागी हुँदा बाटाकाचौर स्थित सारदा माध्यविक विद्यालय र किसिमकोट बस्ती उच्च जोखिममा परेको छ ।
बेग्र गतिमा हावाहुरी चलेको हुँदा आगो बस्ती र विद्यालयमा पुग्न थालेको बरेङ गाउँपालिकाका अध्यक्ष कृष्णप्रसाद शर्माले जानकारी दिनुभयो । प्रहरी, स्थानीय, विद्यार्थीहरु जम्मा भएर आगो निमाउने प्रयास गरे पनि हावाहुरीका करण निभाउन नसकिएको अध्यक्ष शर्माको भनाइ छ ।
मान्द्रेढुङ्गाबाट सुरु भएको आगो यति बेला सारदा मावि बाटाकाचौर नजिकै पुगेको भन्दै नियन्त्रण गर्न नसके विद्यालय र बस्तीमा पुग्न सक्ने उहाँले बताउनुभयो । आगो नियन्त्रणमा ल्याउनका लागि थप प्रहरी आवश्यक परेको अध्यक्ष शर्मा बताउनुहुन्छ । हावाहुरी नरोकिए नियन्त्रणमा लिन संभव नरहेको उहाँको भनाइ छ ।
“भिषण रुपमा लागलागी भएको छ, गाउँवासी सबै नागरिक आएर आगो निभाउने प्रयास गरि रहेका छौँ तर ठूलो हावाहुरी चलेको हुँदा नियन्त्रणमा लिन सकिएको छैन, आगो बाटाकाचौरको सारदा माध्यमिक विद्यालय र किसिमकोट बस्ती नजिकै पुग्न थालेको छ,” अध्यक्ष शर्माले भन्नुभयो – “आगलागी नियन्त्रणमा लागि प्रहरीको टोली पनि आएको छ, थप आउने क्रममा रहेको जानकारी पाएका छौँ ।”
