सापकोटा परिवार पाखाथरको साधारणसभा

आदर्श अनलाइन, बागलुङ
सापकोटा परिवार कूल देवता धार्मिक संस्था बानपा–४ पाखाथरको दशौं वार्षिक साधारण सभा शनिबार एक समारोहका बीच सम्पन्न भएको छ । साधारणसभाले कल्याणकारी कोष संचालन तथा व्यवस्थापन कार्यविधि निर्माण गरेको छ ।

साधारणसभाको उद्घाटन सापकोटा कल्याण केन्द्र नेपालका केन्द्रिय सल्लाहकार एवं सापकोटा वंशावली सम्पादन तथा प्रकाशन समितिका संयोजक श्री टिकाराम सापकोटाले गर्नुभएको थियो ।
उद्घाटन पछि बोल्दै सापकोटा परिवारको वंशावली प्रकाशन भएकोमा खुसि व्यक्त गर्नु भएको थियो ।

कार्यक्रममा सापकोटा कल्याण केन्द्र जिल्ला कार्यसमिति अध्यक्ष श्री रामकृष्ण शर्मा, कूल देवता धार्मिक संस्थाका सल्लाहकार हिमाल प्रसाद शर्माले शुभकामना मन्तव्य व्यक्त गर्नुभएको थियो ।
कार्यक्रममा सहस्र चन्द्र दर्शन गर्ने सौभाग्य प्राप्त गर्नु भएका बागलुङ जिल्ला बागलुङ नगरपालिका वडा नं ४ निवासी हरिकला उपाध्याय सापकोटा र तप्त प्रसाद सापकोटा गरि २ जनालाई सम्मान गरिएको थियो ।

कार्यक्रम संस्थाका अध्यक्ष टिकाराम सापकोटाको अध्यक्षता, उपाध्यक्ष श्री गिता शर्माको स्वागत तथा सचिव सुयश सापकोटाको संचालनमा सम्पन्न भएको थियो ।